Միք Ջագերի ընկերուհին մտադիր էր հայտարարել բիզնեսը փակելու մասին

1in.am-ը գրում է.

Rolling Stones խմբի վոկալիստ Միք Ջագերի ընկերուհին՝ Լոուրեն Սքոտը, որն զբաղվում էր կոստյումների դիզայնով, մտադիր էր հայտարարել իր բիզնեսի փակման մասին, հայտնում է Independent-ը:

Ինչպես նշում է պարբերականը, այս մասին Times պարբերականի «Նորաձևություն» բաժնում գրել է Լոուրենի ընկերուհի և պարբերականի նախկին թղթակից Քեթի Հորինը: 

«Երբ նա մահացավ, ես գիտեի, որ նա պատրաստվում էր փակել իր բիզնեսը և այդ մասին հայտարարել հաջորդ շաբաթ»,- գրել է նա իր նյութում: 

Խորինը չի նշել, թե ումից է ինքը լսել այդ տեղեկությունը: 

Սքոթի LS Fashion ընկերությունը 2012-ից պարտքեր ուներ, որոնք ակտիվները գերազանցել էին 3,5 մլն ֆունտ ստերլինգով:

Դիահերձումը ցույց էր տվել, որ 49-ամյա կինն ինքնասպան է եղել: