Ղրիմի ավտոմեքենաները կստանան 84 և 85 կոդերով ռուսական պետհամարանիշներ. ԶԼՄ-ներ

1in.am-ը գրում է.

Ռուսաստանի կազմում Ղրիմի ու Սևաստոպոլի ընդգրկվելուց հետո տեղացի վարորդներին կսկսեն տալ մեքենաների գրանցման ռուսական նշաններ: Այս մասին գրում է «Իզվեստիան»:

Ինչպես պարբերականին հայտնել են Ղրիմի խորհրդարանում, Ղրիմում գրանցված մեքենաները կունենան 84, իսկ Սևաստոպոլում՝ 85 կոդով պետհամարանիշներ: 

Ճանապարհային անվտանգության պետական տեսչությունում այդ տեղեկությունը չեն մեկնաբանել: Այնտեղ միայն նշել են, որ նոր՝ արդեն ռուսական համարանիշների ստացման համար, ամենայն հավանականությամբ, վճարելու կարիք չի լինի:

Ավելի վաղ հաղորդվել էր, որ Ղրիմի և Սևաստոպոլի տարածքում գրանցված մեքենաներն ինքնավարության՝ Ռուսաստանին միանալուց հետո, կստանան 92 կոդով գրանցման նշաններ: