ԵՄ-ն չի ճանաչում Ղրիմի` Ռուսաստանի կազմի մեջ մտնելը

1in.am-ը գրում է.

ԵՄ խորհրդի նախագահ Հերման վան Ռոմփեյը, Եվրահանձնաժողովի նախագահ Ժոզե Մանուել Բարոզուն համատեղ հայտարարությամբ են հանդես եկել, որտեղ նշել են, որ ԵՄ-ն չի ճանաչում Ղրիմի միացումը Ռուսաստանին: Այս մասին հաղորդում է Reuters-ը:

«Ուկրաինայի ինքնիշխանությունը, տարածքային ամբողջականությունը և անկախությունը պետք է պահպանվեն: Եվրամիությունը չի ճանաչում ինչպես Ղրիմի հանրաքվեի օրինական լինելը, այնպես էլ նրա արդյունքները: Եվրամիությունը չի ճանաչել և չի ճանաչի Ղրիմի և Սևաստոպոլի բռնակցումը Ռուսաստանի Դաշնությանը»,- ասվել է հայտարարությունում:

Բացի այդ, ԵՄ բարձրագույն ներկայացուցիչները նշել են, որ ԵՄ-ն Ուկրաինայի դրությունը կքննարկի այս շաբաթ կայանալիք նիստի ժամանակ` պայմանավորվելով միևնույն արձագանքի մասին: