Յուրգեն Կլոպը 10 հազար եվրո տուգանք կվճարի

Դորտմունդի «Բորուսիայի» գլխավոր մարզիչ Յուրգեն Կլոպը, ով հաճախ է աչքի ընկնում մրցավարների հետ վիճաբանություններով, 10 հազար եվրո տուգանք է վճարելու. տեղեկացնում է գերմանական ֆուտբոլային միության պաշտոնական կայքը:

Պատճառը Գերմանիայի առաջնության 25-րդ տուրի շրջանակում Մյունխենգլադբախի «Բորուսիայի» դեմ խաղում (1:2) Կլոպի պահվածքն է: Մարզիչը մրցավարի կողմից ավելացրած ժամանակահատվածում մոտեցել էր մրցավարներից մեկին և գոռացել նրա վրա:

Հիշեցնենք, որ ավելի վաղ Յուրգեն Կլոպը հայտարարել էր` միջադեպի համար իրեն մեղավոր չի համարում: