«Ֆեյքերի» մասին օրենքը փոփոխվելու է, բայց հետ չի կանչվի. Արփինե Հովհաննիսյան

Tert.am-ը գրում է.

ՀՀ քաղաքացիական օրենսգրքում փոփոխություններ և լրացումներ կատարելու մասին ՀՀ օրենքի նախագիծը, որը ստացել է «Ֆեյքերի մասին օրենք» մինչև ԱԺ գլխադասային հանձնաժողով ներկայացնելը կփոփոխվի, բայց հետ չի կանչվի, այս մասին Tert.am-ին հայտնեց օրենքի նախագծի հեղինակ, ԱԺ «Հանրապետական» խմբակցության անդամ Արփինե Հովհաննիսյանը։

«Նախագիծը փոփոխվելու է, և ամենաշատ մտահոգություն առաջացրած կետերը փոփոխված ներկայացվելու են լսումներին»,- ասաց պատգամավորը։

Նշենք, որ armlur.am–ը, հղում անելով իր աղբյուրներին, տեղեկացրել էր, թե նախագիծը, հավանաբար, հետ կկանչվի:

Արփինե Հովհաննիսյանը, ի պատասխան, ասաց, որ գոնե իրեն հայտնի չէ որևէ հեղինակի անուն, որը հետ է վերցրել իր ստորագրությունն օրենքի նախագծից: «Ավելին՝ գիտեմ, որ նախագծին միացողներ են եղել»,- ասաց ՀՀԿ-ական պատգամավորը:

Ամբողջական հոդվածը կարող եք կարդալ այստեղ