Փոխելու շատ բան կա թատրոնում. Բ. Թումանյանն առաջադրել օպերայի և բալետի ազգային ակադեմիական թատրոնի տնօրենի պաշտոնում

Tert.am-ը գրում է.

Օպերային երգիչ Բարսեղ Թումանյանն իր թեկնածությունն է առաջադրել ՀՀ մշակույթի նախարարության կողմից Ալ. Սպենդիարյանի անվան օպերայի և բալետի ազգային ակադեմիական թատրոնի տնօրենի թափուր պաշտոնն զբաղեցնելու համար հայտարարված մրցույթում:

Tert.am-ի հետ զրույցում Բարսեղ Թումանյանը նշեց, որ մի քանի էջից բաղկացած հայեցակարգ է մշակել ու շուտով այն կներկայացնի լայն հանրությանը, սակայն մինչ այդ նա անդրադարձավ թատրոնի առջև ծառացած առաջնային խնդիրներին:

«Փոխելու շատ բան կա թատրոնում, բայց ամենակարևորն այն է, որ պետք է վերադառնանք այն գաղափարին, թե ինչ է օպերային թատրոնը, ինչպիսի օպերային թատրոն ենք մենք ակնկալում ունենալ: Այս գաղափարի մեջ մտնում է հետևյալը՝ հայ ազգը կամ հայի տեսակը որքանո՞վ է ընդգրկվում համամարդկային արժեքների մեջ: Օպերային թատրոնը միակ տաճարն է, որտեղ արարվում են մշակութային արժեքները, որոնք կարող են համակցվել համամարդկային արժեքներին»,-ասաց նա:

Անդրադառնալով օպերայի և բալետի ազգային ակադեմիական թատրոնի սոցիալական խնդիրներին՝ օպերային երգիչը նշեց, որ իրականում այսօր բոլորս կախված ենք մեկ ընդհանուր համակարգից, բայց ամեն դեպքում՝ ինքը պետք է փորձի այս առումով ևս փոփոխություններ կատարել թատրոնում:

Ամբողջական հոդվածը կարող եք կարդալ այստեղ