Կադիրովն ուրախ է, որ հայտնվել է ԵՄ «սև ցուցակում»

1in.am-ը գրում է.

Չեչնիայի ղեկավար Ռամզան Կադիրովը մեկնաբանել է ԵՄ-ի նախատեսվող «սև ցուցակում» իր անունը ներառելու մասին տեղեկատվությունը:

Ինչպես հաղորդում է ITAR-TASS-ը, Կադիրովը նույնիսկ ուրախ է, որ «սև ցուցակում» հայտնվել է իր կողմից հարգվող մարդկանց հարևանությամբ: Քաղաքական գործչի կարծիքով` «նրանք բոլորը պաշտպանում են երկրի շահերը»:

«Ես նույնիսկ ուրախ եմ գտնվել այդ ցուցակում, քանի որ դեմ եմ հանդես գալիս նրանց, ովքեր ոտնահարում են միլիոնավոր մարդկանց, այդ թվում՝ մուսուլմանների իրավունքները: Հանուն իմ երկրի պատրաստ եմ ամեն ինչի»,- ասել է Կադիրովը:

Չեչնիայի ղեկավարի կարծիքով` «սև ցուցակի» հեղինակները ոտնահարում են ժողովրդավարության սկզբունքները:

Հիշեցնենք, որ ԵՄ փորձագետները և դիվանագետները պատրաստել են 120-130 ռուս բարձրաստիճան անձանցից բաղկացած ցուցակ, որոնց դեմ կարող են պատժամիջոցներ կիրառվել Ուկրաինայի իրադարձությունների կապակցությամբ: