Այսօր լրանում է Ֆրանցիսկոս պապի գահակալման մեկ տարին

1in.am-ը գրում է.

Ֆրանցիսկոսը, ով առաջին Պապն է արևմտյան կիսագնդից և պատմության մեջ առաջին ճիզվիտ պապը, նշում է գահակալման մեկ տարին: Այս մասին հայտնում է RIA Novosti-ն:

Այդ ընթացքում նա դարձել է Խաղաղության Նոբելյան մրցանակի հավակնորդ, ճանաչվել տարվա մարդ՝ ամերիկյան Time ամսագրի վարկածով:

12 ամիսների ընթացքում Ֆրանցիսկոսը կարողացավ իրականացնել ոչ միայն փոխակերպումներ Հռոմեա-կաթոլիկ եկեղեցու գործունեությունում, այլև բարեփոխեց հովվապետի կերպարը:

Բուենոս Այրեսի արքեպիսկոպոս Խորխե Մարիո Բերգոլիոն Հռոմի 266-րդ պապ ընտրվեց կոնկլավի արդյունքներով, որը կայացավ Վատիկանի Սիքստինյան կապելլայում 2013-ի մարտի 12-ին և 13-ին: