Գյուղապետը համոզված է, որ սրճարանի շինարարությունը դադարեցված է, իսկ մշակույթի նախարարությունից ասում են` այն չէր էլ սկսվել

Tert.am-ը գրում է.

Գառնու գյուղապետ Աշոտ Վարդանյանը համոզված է, որ արդեն վերջնականապես դադարեցված է տաճարի հարևանությամբ կառուցվող սրճարանի շինարարության աշխատանքները: Tert.am-ի հետ զրույցում գյուղապետն ավելացրեց, որ անձամբ իրեն այդ մասին ոչ ոք ոչինչ չի ասել ո՛չ մշակույթի նախարարությունից, ո՛չ էլ Կոտայքի մարզպետարանից. նա այս եզրակացությանն է հանգել՝ հետևելով լրատվամիջոցների հրապարակումներին:

«Մարդկանց տրամադրությունից էլ կարելի է հասկանալ՝ եթե չդադարեցվեր, ավելի մեծ աղմուկ կբարձրանար հիմա»,-ասաց Աշոտ Վարդանյանը՝ շարունակելով, թե որևէ մեկը չի կարող օրենքը շրջանցել, քանի որ ըստ օրենքի՝ հատուկ պահպանվող տարածքներում շինարարություն իրականացնելու իրավունք չկա, այն էլ՝ հասարարական կառուցապատման:

ՀՀ մշակույթի նախարարության աշխատակազմի հասարակայնության հետ կապերի բաժնի պետ Ալլա Սերոբյանը Tert.am-ին ասաց, թե մինչ այժմ ոչ թե նախատեսված սրճարանի տեղադրման, այլ՝ տարածքում գտնվող հենապատի վերաշարման աշխատանքներն էին մեկնարկել:

Ամբողջական հոդվածը կարող եք կարդալ այստեղ