20:21 , 12 մարտ, 20141in.am-ը գրում է.
Փոփ-երգիչ Ջասթին Բիբերը գլխավորում է այն հայտնի անձանց վարկանշային աղյուսակը, որոնց կյանքի մասին լուրերը չափազանց շատ են շրջանառվում մամուլում:
Համապատասխան վարկանշային աղյուսակը կազմել է Forbes-ը: Հարցվածների 64 տոկոսը Բիբերին է համարել վերջին տարում շոու-բիզնեսում ամենաշատ շրջանառվող աստղ:
Բիբերին համարել են ամենաձանձրացնողը վերջինիս պահվածքի ու վարքագծի նորությունների պատճառով: Վերջերս նրան կալանավորել էին անսթափ վիճակում մեքենա վարելու համար, բացի այդ, նրան մեղադրում էին լուսանկարչի վրա հարձակվելու, գույք փչացնելու ու թմրանյութեր պահելու համար:
Այս անգամ ռեալիթի շոուների աստղ Քիմ Քարդաշյանը առաջին տեղը զիջել է Բիբերին: Նա հայտնվել է վարկանշային աղյուսակի 2-րդ հորիզոնականում, երրորդ տեղում դերասանուհի Լինդսի Լոհանն է, իսկ չորրորդում՝ երգչուհի Մայլի Սայրուսը:
Եվ այսպես, Forbes-ի տասնյակն ունի հետևյալ տեսքը.
Ջասթին Բիբեր
Քիմ Քարդաշյան
Լինդսի Լոհան
Մայլի Սայրուս
Հանի Բուբու
Քրիս Ջեներ
Սնուկի
Փերիս Հիլթոն
Քորթնի Քարդաշյան
Քլոե Քարդաշյան