Լեհաստանի նախագահը կոչ է արել ԱՄՆ-ին ընդլայնել ռազմական ներկայությունը հանրապետությունում

1in.am-ը գրում է.

Լեհաստանը ողջունում է ԱՄՆ-ի ռազմական ներկայությունը երկրում և հանդես գալիս դրա առավելագույն ընդլայնման օգտին: Այս մասին հայտարարել է հանրապետության նախագահ Բրոնիսլավ Կոմորովսկին՝ այց կատարելով Լասկ քաղաքում գտնվող մարտավարական ավիացիայի 32-րդ բազա, որտեղ տեղակայված են F-16 կործանիչները:

«Մենք կցանկանայինք տեսնել ԱՄՆ զինված ուժերի հնարավորինս ավելի լայն ներկայություն մեր՝ լեհական տարածքում՝ ՆԱՏՕ-ի համակարգի շրջանակում»,-ասել է նա:

Կոմորովսկին բարձր է գնահատել ռազմական ոլորտում Լեհաստանի և ԱՄՆ-ի գործնական փոխգործակցությունը՝ փոխանցում է ITAR-TASS-ը:

«Լեհ-ամերիկյան համագործակցության իսկական չափում է հանդիսանում ամերիկացի զինվորների ներկայությունը լեհական պետության տարածքում՝ այստեղ՝ Լասկում» ,-նշել է նա: