Դուման մարտի 21-ին կքննարկի Ղրիմը միացնելու հարցը
11:08 , 11 մարտ, 2014
Lragir.am-ը գրում է.
Ռուսաստանի Պետդուման մտադիր է մարտի 21-ին քննարկել Ղրիմը Ռուսաստանին միացնելու վերաբերյալ «Սպրավեդլիվայա Ռոսսիյա» կուսակցության պատգամավորների օրինագիծը, հայտարարել է «Եդինայա Ռոսսիյա» խմբակցության պատգամավոր Վյաչեսլավ Նիկոնովը: Այս մասին տեղեկացնում է ՌԻԱ Նովոստին:
Օրինագծով սահմանվում է ՌԴ կազմ նոր տարածքների մտնելու կանոնները: Ըստ օրինագծի, առաջարկվում է, որ միջազգային պայմանագրի կնքման անհնարինության և տվյալ երկրում արդյունավետ պետական իշխանության բացակայության պայմաններում, որը կպաշտպաներ քաղաքացիների իրավունքներն ու ազատությունները, ՌԴ կազմ նոր տարածքների ընդունումն իրականացվում է տվյալ տարածքում անցկացված հանրաքվեի արդյունքներով: