ԱՄՆ-ում ներգաղթյալները շարունակում են հացադուլը՝ ի նշան բողոքի արտաքսման դեմ

1in.am-ը գրում է.

Մոտ 150 մարդ Վաշինգտոն նահանգում՝ ներգաղթյալների պահման կենտրոնում, շարունակում են հացադուլը՝ ի նշան բողոքի արտաքսման և իրենց նկատմամբ անպատշաճ վերաբերմունքի դեմ: Այս մասին գրում է BBC-ն:

Տակոմա քաղաքի ներգաղթյալների պահման կենտրոնում գտնվում է 1300 մարդ, որոնց արտաքսում է սպառնում:

Հացադուլը հայտարարվել է 4 օր առաջ: Ակցիայի սկզբում դրան մասնակցել է 750 մարդ:

Համաձայն օրենքի՝ եթե պահման կենտրոնում ներգաղթյալը 72 ժամ հրաժարվում է ուտելիքից, նա պետք է տեղափոխվի հիվանդանոց՝ բժշկական հետազոտության: