Պետդեպը խորհուրդ է տալիս ամերիկացիներին հետաձգել Ուկրաինա ուղևորությունները

1in.am-ը գրում է.

ԱՄՆ Պետդեպարտամենտը խորհուրդ է տալիս ամերիկացիներին հետաձգել Ուկրաինա, հատկապես Ղրիմ կատարելիք ուղևորությունները՝ երկրում ստեղծված իրավիճակի պատճառով: 

Իրավիճակն անկայուն է ու կարող է արագ փոխվել՝ նշում են դիվանագետները: 

«Ուկրաինայում գտնվող ԱՄՆ բոլոր քաղաքացիները և նրանք, ովքեր ծրագրում են ուղևորություն Ուկրաինա, պետք է գնահատեն անձնական անվտանգությունը՝ քաղաքական անկայունության ու բռնության հնարավորության լույսի ներքո»,- ասվում է հաղորդագրության մեջ, որը տարածել է ԱՄՆ Պետդեպարտամենտը: 

Interfax-ի հաղորդմամբ՝ Պետդեպը ուշադրություն է հրավիրում Ղրիմի, ինչպես նաև արևելյան շրջանների՝ Դոնեցկի, Լուգանսկի ու Խարկովի վրա: