Ամերիկացի ընտանիքը թունավորվել է սուպերմարկետից գնած թմրանյութերով լի սթեյքից

1in.am-ը գրում է.

Ռոննի Մորալեսը ու նրա կողակիցը՝ Ջեսիկա Ռոսադոն, որը գտնվում է հղիության 9-րդ ամսում, սթեյք է գնել Walmart հայտնի սուպերմարկետում: Ընթրիքից հետո առաջինը վատացել է տղամարդու ինքնազգացողությունը: Կինը նրան տեղափոխել է հիվանդանոց, որտեղ ինքն էլ է վատացել:

Հիվանդանոցում գտնվելու ժամանակ էլ ծնվել է զույգի երեխան: Ապա հալյուցինացիաներ են սկսվել նրանց երկու երեխաների մոտ: 

Միսն ուղարկվել է փորձաքննության, որը հայտնաբերել է թմրանյութի առկայությունը: Ներկայում ոստիկանությունը փորձում է պարզել, թե ինչպես է թմրանյութը հայտնվել մսի մեջ: Միսը մատակարարող ընկերությունը հայտնել է, որ նման դեպքեր իրենց մոտ չեն գրանցվել: 

ԶԼՄ-ների տեղեկություններով՝ ընտանիքն արդեն դուրս է գրվել հիվանդանոցից: