«Հայկական ժամանակ». Պարտադիր կուտակային վճարը հարկի կարգավիճակ ստանալ չի կարող. պատգամավոր

«Ազգային ժողովի Սոցիալական հանձնաժողովի նախագահ Հակոբ Հակոբյանը երեկ մեր թղթակցին հայտնել է, թե նման տեղեկություն չունի, որ պարտադիր կուտակային վճարը կարող է հարկի կարգավիճակ ստանալ և հավելել, որ նման բան չի կարող լինել։

«Սիվիլնեթը», հղում անելով իր աղբյուրներին, գրել էր, որ ֆիննախում օրենսդրական նախագիծ է մշակվում, որով աշխատողներից պարտադիր գանձվող 5 տոկոս վճարը հարկի կարգավիճակ է ստանալու։ «Հարկի ձևով չի կարող լինել, քանի որ դա կփոխի կուտակայինի բոլոր սկզբունքները։ Եթե դա հարկ է դառնում, ուրեմն դա քաղաքացու սեփականությունը չի կարող լինել։ Այստեղ ամբողջ իմաստն այն է, որ այդ գումարը դառնում է քաղաքացու սեփականությունը ընդմիշտ, վճարման օրվանից, և նա կարող է օգտագործել կենսաթոշակային տարիքի հասնելուց հետո։ Սա է ամբողջ հոգեբանությունը»,– թերթի փոխանցմամբ ասել է Հակոբ Հակոբյանը։

Մանրամասները՝ թերթի այսօրվա համարում։