Գերմանիան պատրաստ է գազ մատակարարել Ուկրաինային

Lragir.am-ը գրում է.

Գերմանական RWE գազային ընկերությունն ուկրաինական Նաֆտոգազ ընկերության հետ կնքած պայմանագրի հիման վրա պատրաստ է գազ մատակարարել Ուկրաինային Ռուսաստանից մատակարարման ծավալների կրճատման դեպքում: Այս մասին հայտարարել է RWE-ի ֆինանսական տնօրեն Բերնհարդ Գյունտերը, տեղեկացնում է Bloomberg գործակալությունը:

Ուկրաինան Եվրոպայից գազ սկսել է գնել 2012 թվականին: Սակայն այս տարեսկզբին Նաֆտոգազը դադարեցրել էր գազի ներմուծումը եվրոպական երկրներից և հայտարարել միայն Ռուսաստանից ներմուծելու մտադրության մասին՝ հաշվի առնելով Գազպրոմի տրամադրած զեղչը: