Զայրույթը մեծացնում է սրտի նոպաների և կաթվածի հավանականությունը. գիտնականներ

1in.am-ը գրում է.

ԱՄՆ-ի հետազոտողները եկել են եզրակացության, որ ինքնատիրապետման կորուստը կարող է զգալիորեն մեծացնել սրտի նոպաների և կաթվածի հավանականությունը՝ գրում է BBC-ի ռուսական ծառայությունը: 

Հասարակական առողջապահության Հարվարդի դպրոցի թիմը պարզել է, որ զայրույթից հետո 2 ժամվա ընթացքում սրտի նոպա ունենալու հավանականությունը հինգ անգամ մեծանում է, իսկ կաթված ստանալու հավանականությունը՝ եռակի: 

Հետազոտության արդյունքները, որ անցկացվել են հազար հիվանդների տվյալների ուսումնասիրման հիման վրա, ցույց են տալիս, որ նման էֆեկտն աստիճանաբար կուտակվում է. որքան հաճախ է մարդը զայրանում, այնքան մեծ է վտանգը: