Լավագույն մարզչի կոչումը պարտավորեցնող է. Կոնտե

1in.am-ը գրում է.

Թուրինի «Յուվենթուս»-ի գլխավոր մարզիչ Անտոնիո Կոնտեն մեկնաբանել է Իտալիայի լավագույն մարզչի կոչում ստանալու փաստը:

«Ցանկանում եմ շնորհակալություն հայտնել: Երկրորդ անգամն եմ նվաճում այս մրցանակը: Այն ինձ ավելի է պարտավորեցնում: Մրցանակս նվիրում եմ ընտանիքիս, մարզչական շտաբի օգնականներիս, սաներիս և ողջ ակումբին:

Երբեմն ավելի հեշտ է տիտղոս նվաճել, քան արժանանալ գործընկերների հավանությանը: Հպարտ եմ, որ երկրորդ անգամ եմ ստանում մրցանակը: Կիսում եմ ուրախությունս մտերիմներիս հետ»,- ասել է մասնագետը: