Մխիթարյանը երբեք հարցազրույց չի տվել ռուսական կայքին. «Բորուսիայի» պաշտոնական հայտարարությունը

Yerevannews.am-ը գրում է.

Դորտմունդի Բորուսիան ֆեյսբուքի իր պաշտոնական էջում հանդես է եկել հայտարարությամբ՝ նշելով, որ ինքը հարցազրույց չի ունեցել «Спорт уик-энд»-ի հետ: Նշենք, որ պարբերականում գրված էր, թե իրենց հետ զրույցում մեկնաբանել է ռուսական եւ ուկրաինական ակումբների ելույթները Եվրոպայի լիգայում՝ խոսելով նաեւ պայքարից դուրս մնացած Դոնեցկի «Շախտյորի» մասին: Նշվում էր, թե Հենրիխն ասել է, որ «Շախտյորն» Ուկրաինայում եղած քաղաքական ծանր իրավիճակի պատճառով է պարտվել Պլզենի «Վիկտորիային»: Բորուսիան ֆեյսբուքյան էջում հերքել է այդ հարցազրույցը՝ ընդգծելով, որ Մխիթարյանը երբեք այդ կերպ չէր արտահայտվի իր նախկին թիմի հասցեին և այդ հարցազրույցը որակել էր որպես երևակայության արդյունք: