Թուրքիայի խորհրդարանում ծեծկռտուք է տեղի ունեցել թեքումով դպրոցների վերաբերյալ օրինագծի քննարկման ժամանակ

 1in.am-ը գրում է.

Փետրվարի 27-ին Թուրքիայի խորհրդարանում ծեծկռտուք է սկսվել օրենսդիրների միջև օրինագծի շուրջ, որը նախատեսում է մասնավոր թեքումով դպրոցների «փոխակերպում»: Այս մասին հայտնում է Hurriyet-ը:

Նիստի ժամանակ լարվածության թեժացումը հանգեցրել է նրան, որ իշխող «Արդարություն և զարգացում» կուսակցության և գլխավոր ընդդիմադիր Ժողովրդահանրապետական կուսակցության պատգամավորները գործի են դրել բռունցքները: 

Ընդդիմադիր պատգամավոր Սևկի Կուլկուօղլուն հարված է ստացել իշխող կուսակցության պատգամավորներից մեկից և արնահոսող քթով հոսպիտալացվել:

Երբ օրինագիծը հրապարակվի կառավարության պաշտոնաթերթում, թեքումով դպրոցները կփակվեն կամ փոխակերպման կենթարկվեն: