Գիտնականները կարող են կանխատեսել սեզոնային գրիպի էվոլյուցիան

1in.am-ը գրում է.

Գիտնականները մշակել են բանաձև, որը թույլ է տալիս կանխատեսել ապագայում սեզոնային գրիպի էվոլյուցիան՝ գրում է Time-ը: 

Կոլումբիայի ու Քյոլնի համալսարանների գիտնականները ուսումնասիրել են, թե ինչպես է H3N2 վիրուսը ենթարկվել մուտացիայի ու փոփոխվել երկար տարիների ընթացքում՝ սկսած 1968-ից: 

Հենվելով այդ տվյալների վրա՝ մասնագետները ստեղծել են մաթեմատիկական մոդել, որը հստակ կռահում է, թե վիրուսը ինչպես կփոխվի հաջորդող տարիներին: 

Կանխատեսման մոդելը, որը հայտնաբերել են գիտնականները, ունի մեծ նշանակություն գրիպի առավել կատարյալ պատվաստանյութի ստեղծման համար: 

H3N2 գրիպի սեզոնային բռնկումից տարեկան մահանում է մոտ կես մլն մարդ: