Ռուհանին Ալիևին հրավիրել է Իրան

1in.am-ը գրում է.

Ադրբեջանում Իրանի դեսպանը նախօրեին հանդիպել է Ադրբեջանի նախագահ Իլհամ Ալիևի հետ:

Ինչպես հաղորդում է APA գործակալությունը, դեսպան Մոհսուն Փաք Այնը Ալիևին փոխանցել է նախագահ Հասան Ռուհանիի՝ Իրան այցելելու հրավերը:

Հաղորդագրության համաձայն՝ Ալիևը դրական է ընդունել Ռուհանիի հրավերը և հավելել է, որ շվեյցարական Դավոս քաղաքում Իրանի նախագահի հետ հանդիպումից հետո սկսվել է հարաբերությունների նոր փուլ երկու երկրների միջև:

Ալիևն ընդգծել է, որ Ադրբեջանը պատրաստ է համագործակցել Իրանի հետ բոլոր ոլորտներում: