Ուկրաինայի ՆԳՆ-ն հետաքննում է անկարգությունների ժամանակ միլիցիայի գործողությունները

1in.am-ը գրում է.

Ուկրաինայի ներքին գործերի նախարարի պաշտոնակատար Արսեն Ավակովը ծառայողական հետաքննություն է նշանակել՝ անկարգությունների ժամանակ ՆԳՆ աշխատակիցների գործողությունները գնահատելու համար: Այս մասին ասվում է գերատեսչության կայքում հայտնված հրամանում՝ փոխանցում է ITAR-TASS-ը:

Ինչպես ասվում է փաստաթղթում, ծառայողական հետաքննությունը կանցկացվի կարգապահական սխալներ թույլ տալու, ծառայողական լիազորությունները գերազանցելու և դիրքը չարաշահելու փաստերով, որոնց հետևանքով խախտվել են խաղաղ հավաքի քաղաքացիների իրավունքները, ինչպես նաև իրականացվել ոտնձգություններ նրանց կյանքի ու առողջության հանդեպ:

Հետաքննությունը հանձնարարվել է 29 հոգանոց հանձնաժողովին:

Հրամանի կատարումն ու հետաքննության ընթացքն Ավակովը վերցրել է սեփական վերահսկողության տակ: