Ինչո՞ւ է Թագավորական արահետը ամենավտանգավորը ամբողջ աշխարհում (Photo)
15:20 , 20 փետրվար, 2014Թագավորական արահետը (El Caminito del Rey) ստեղծվել էր որպես լրացուցիչ ճանապարհ ջրամբարի կառուցմանը մասնակցող աշխատողների համար (1905թ., Մալագա, Իսպանիա): Այն կառուցված է բետոնից և ժայռի մեջ մխրճված երկաթուղուց: Արահետի երկարությունը 3 կմ է, իսկ լայնությունը միայն մեկ մետր: Ներկայումս Թագավորական արահետը բարձիթողի վիճակում է գտնվում, գրեթե ամենուրեք քանդված են բռնակները, իսկ որոշ հատվածներում նույնիսկ ողջ շինությունը: Զբոսաշրջիկների մուտքն այստեղ պաշտոնապես արգելված է, բայց որոշ էքստրեմալներ և համարձակներ, միևնույնն է, անցնում են նրանով:
