Ադիս Աբեբայից Հռոմ ուղևորվող ինքնաթիռի օդաչուները գրավման ազդանշան են տվել

Lragir.am-ը գրում է.

Ադիս Աբեբայից Հռոմ ուղևորվող Ethiopian Airlines ընկերության ինքնաթիռը գրավման ազդանշան է տվել, գրում է lenta.ru-ը՝ հղում անելով Airlinereporter.com պորտալին:

Ինքնաթիռը հաջողությամբ վայրէջք է կատարել Ժնևի օդանավակայանում: Ռոյթերզ գործակալության տվյալներով, միջադեպի հետևանքով ուղևորներից ոչ ոք չի տուժել:

Վայրէջքից որոշ ժամանակ առաջ ինքնաթիռը պտույտներ է կատարել շվեյցարական կործանիչների ուղեկցությամբ:

Հաղորդագրությունում նշված է, որ ազդանշանը տրվել է Սուդանի օդային տարածքով թռչելիս: Այլ մանրամասներ դեռևս չեն հայտնվում: