Բելգիայի Մոնս քաղաքում 30-րդ անգամ մեկնարկել է սիրո մասին ֆիլմերի միջազգային փառատոնը
17:59 , 15 փետրվար, 2014
1in.am-ը գրում է.
Սիրո մասին ֆիլմերի միջազգային փառատոնը 30-րդ անգամ մեկնարկել է Բելգիայի Մոնս քաղաքում՝ գրում է ITAR-TASS-ը:
«Պետք է հպարտությամբ նշել, որ տարեցտարի այն ավելի հեղինակավոր ու հայտնի է դարձել: Ուշադրության կենտրոնում ունենալով սերը՝ մենք ջանում ենք մշտապես ցույց տալ իրականությունը, դրա հիմնական սոցիալական խնդիրներն ու երևույթները»,- ասել են կինոդիտման կազմակերպիչները:
Փառատոնի այս տարվա պատվավոր հյուրը Խորվաթիան է: Չնայած սրան՝ փառատոնը բացվել է Պատրիս Լեկոնտի ֆրանկ-բելգիական «Խոստում» կինոնկարով:
Մասնակցում են 70 կարճամետրաժ և լիամետրաժ ֆիլմեր՝ ավելի քան 25 երկրներից: Ինչ վերաբերում է հիմնական մրցույթին, ապա այնտեղ կմրցեն 11 կինոժապավեններ:
Սիրո մասին միջազգային փառատոնն առաջին անգամ կայացել է 1984 թվականին՝ Մոնսում: