Մի շարք ապրանքների արտահանումը Հայաստանից Չինաստան էապես կավելացվի

Tert.am-ը գրում է.

Վարչապետ Տիգրան Սարգսյանն այսօր ընդունել է Չինաստանի կոմունիստական կուսակցության կենտրոնական կոմիտեի ներկայացուցիչներին` Ճոու Լիի գլխավորությամբ, որոնց հետ զրույցում կարևորել է տնտեսական կապերի զարգացումը, նշել, որ դրանց ընդլայնման համար առկա է մեծ ներուժ և տեղեկացրել է, որ ընթացիկ տարում նախատեսվում է մեծապես ավելացնել Հայաստանից կոնյակի, գյուղմթերքի և ծխախոտային ապրանքների արտահանման ծավալները Չինաստան, այս մասին տեղեկացնում է Կառավարության մամուլի ծառայությունը:

«Հայաստանը մեծապես կարևորում է բարեկամ Չինաստանի հետ հարաբերությունների զարգացումը, ինչը մեր երկրի առաջնայնություններից է: Ուրախ ենք, որ մեր երկու երկրների միջև ձևավորվել են քաղաքական բարձր մակարդակի հարաբերություններ»,– ասել է Տիգրան Սարգսյանը:

Ճոու Լին շնորհակալություն է հայտնել ընդունելության համար և Տիգրան Սարգսյանին փոխանցել Չինաստանի վարչապետ Լի Կեցիանի ջերմ ողջույնները:

Ամբողջական հոդվածը կարող եք կարդալ այստեղ