Միսիսիպի նահանգում զանգվածային հուղարկավորման վայր է հայտնաբերվել

1in.am-ը գրում է.

Միսիսիպի նահանգում զանգվածային հուղարկավորման վայր է հայտնաբերվել: 2000 գերեզմանները հայտնաբերվել են Միսիսիպիի համալսարանի բժշկական կենտրոնից ոչ հեռու գտնվող տարածքում շինարարության նախապատրաստման աշխատանքների ժամանակ: Այս մասին հայտնում է ITAR-TASS-ը:

Բուհի մամլո քարտուղար Ջեք Մազուրակը պատմել է, որ հուղարկավորման վայրի գոյության մասին իմացել են վաղուց, սակայն չեն պատկերացրել հստակ տեղն ու հուղարկավորվածների քանակը: 

Այնտեղ հուղարկավորված մարդկանց մի մասը պետական հոգեբուժական հիվանդանոցի հիվանդներն են ու աֆրոամերիկացիները: Այդ բացահայտումները մեծ հետաքրքրություն են առաջացնում հուղարկավորվածների հնարավոր հարազատների շրջանում: