Նյու Յորքում մադամ Տյուսոյի թանգարանն ազատվել է Ջասթին Բիբերի մոմե արձանից

 1in.am-ը գրում է.

Նյու Յորքում մադամ Տյուսոյի թանգարանը ցուցանմուշային հավաքածուից հեռացրել է սկանդալային երգիչ Ջասթին Բիբերի մոմե արձանը: Այս մասին հայտնում է New York Post-ը:

Պարբերականի տվյալներով՝ թանգարանի ղեկավարության որոշումը պայմանավորված է նրանով, որ արձանը վնասվել է երկրպագուների հաճախակի շոշափումներից:

Տնօրեն Բրետ Պիջենի խոսքով՝ թանգարանի աշխատակիցները վրդովված են Բիբերին հրաժեշտ տալու անհրաժեշտության պատճառով և հույս ունեն մոտ ապագայում ցուցանմուշների շարքում տեսնել «հասունացած» Ջասթինին: