Սիրիայի ընդդիմությունը չի ցանկանում քննարկել ահաբեկչության հարցը. փոխարտգործնախարար

1in.am-ը գրում է.

Ժնևում սիրիական ընդդիմությունը հրաժարվում է ժնևյան կոմյունիկեի իրագործումից, քանի որ չի ցանկանում քննարկել ահաբեկչության հարցը: Ինչպես հաղորդում է RIA Novosti-ն, այս մասին հայտարարել է Սիրիայի փոխարտգործնախարար Ֆեյսալ Միկդադը:

«Այսօր ևս մեկ ապարդյուն օր էր, քանի որ ընդդիմությունը պնդում է, որ Սիրիայում ահաբեկչություն չկա, և նրանք չեն ցանկանում քննարկել այս հարցը բանակցություններում: Այսպիսով նրանք խափանոմ են ժնևյան կոմյունիկեի ամբողջ ծավալով իրագործման հնարավորությունը»,- հայտարարել է Միկդադը:

Հիշեցնենք, որ երկուշաբթի Ժնևում մեկնարկել է միջսիրիական բանակցությունների երկրորդ փուլը՝ Սիրիայի հարցով ՄԱԿ-ի և ԱՊԼ-ի հատուկ բանագնաց Լախդար Բրահիմիի միջնորդությամբ: