Տեսնու՞մ եք՝ համերաշխությունն ինչքան լավ բան է. ԱԺ նախագահը խրախուսեց ԲՀԿ պատգամավորի և նախարարի համերաշխ զրույցը

Tert.am-ը գրում է.

Այսօր ԱԺ նիստում քննարկման դրվեցին մի քանի օրենքներում, այդ թվում՝ «Դատախազության մասին» օրենքում փոփոխություններ կատարելու մասին նախագծերը: Փոփոխությունները նախատեսում են, որ գլխավոր դատախազը հաշվետու զեկույցով հանդես գա ԱԺ-ում:

Հեղինակներն են ԱԺ պատգամավորներ Դավիթ Հարությունյանը, Գալուստ Սահակյանը, Զարուհի Փոստանջյանը, Արամ Մանուկյանը, Աղվան Վարդանյանը, Հովհաննես Մարգարյանը, Նաիրա Զոհրաբյանը, Էդմոն Մարուքյանը և Հովհաննես Սահակյանը։

Հարակից զեկուցող, արդարադատության նախարար Հրայր Թովմասյանը հենց սկզբից պատգամավորների, մասնավորապես «Բարգավաճ Հայաստան» խմբակցության պատգամավոր Տիգրան Ուրիխանյանի հարցերին պատասխանում էր մեղմ տոնով, ինչի համար էլ խրախուսեց ԱԺ նախագահ Հովիկ Աբրահամյանը։

Նախարարը նշեց, թե Կառավարությունը սկզբնական տարբերակի վերաբերյալ երկու առարկություն ուներ, այս տարբերակով դրանք լուծված են։ «Առաջինը՝ նրա վերաբերյալ, որ դա պետք է տպվի, տպագրվի, և կար առարկություն հարակից զեկուցման հետ կապված: Այստեղ դրանք չկան. Կառավարության եզրակացությունն այս նախագծի վերաբերյալ դրական է: Հաշվի առնելով այն դիրքորոշումը, որ առաջինից երկրորդ ընթերցում այս հարաբերությունները պետք է կարգավորվեն, լիարժեք քննարկում պետք է լինի ԱԺ-ում, գլխավոր դատախազը պիտի պատասխանի այդ հարցերին, պատգամավորները ելույթների իրավունք ունենան: Մինչ այս եղած նախագիծը որոշակիորեն պարզ չէր»,- ասաց նա:

Ամբողջական հոդվածը կարող եք կարդալ այստեղ