Բանգլադեշում հայտնի ապրանքանիշների համար հագուստ արտադրող գործարաններն օգտագործում են մանկական աշխատուժ

1in.am-ը գրում է.

Բանգլադեշի գործարանները, որոնք հագուստ են արտադրում բրիտանական հայտնի ապրանքանիշների համար, օգտագործում են երեխաների աշխատուժը՝ հաղորդում է The Guardian-ը:

Բանգլադեշի կարի գործարաններում մանկական աշխատուժի օգտագործման մասին հայտնել է բրիտանական ITV հեռուստաալիքը: Փաստագրական ֆիլմը, որը ստեղծվել է կարի գործարաններում թաքնված տեսախցիկների կիրառմամբ, պատմում է անչափահասների աշխատուժի օգտագործման մասին, որոնք ստիպված են ծանր պայմաններում աշխատել օրական 11 ժամ:

Թաքնված տեսախցիկները ցույց են տվել, որ գործարանի աշխատակիցները, որոնք հագուստ են արտադրում այնպիսի ապրանքանիշերի համար, ինչպիսիք են Lee Cooper-ը, BHS-ը, բախվել են ֆիզիկական սպառնալիքների, վիրավորանքի և ղեկավարության կողմից չարաշահումների: