Քեթրին Էշթոնն առաջին անգամ պաշտոնական այցով կմեկնի Իրան. ԶԼՄ-ներ

1in.am-ը գրում է.

ԵՄ արտաքին քաղաքականության և անվտանգության հարցերով գերագույն հանձնակատար Քեթրին Էշթոնը մտադիր է մարտի սկզբին առաջին անգամ պաշտոնական այց կատարել Իրան:

ISNA գործակալության տվյալներով՝ Էշթոնը Թեհրան կժամանի Իրանի արտգործնախարար Ջավադ Զարիֆի հրավերով: Այցի օրը դեռևս որոշված չէ, սակայն հայտնի է, որ այն տեղի կունենա Իրանի և «վեցյակ»-ի միջև բանակցությունների հերթական փուլից հետո, որը փետրվարի 18-ին կանցկացվի Վիեննայում:

Էշթոնի մամլո քարտուղար Մայքլ Մենն իր հերթին հայտարարել է, որ նրա այցն Իրան դեռևս համաձայնեցված չէ: