Կապույտ գույնը օգնում է պայքարել հոգնածության դեմ

1in.am-ը գրում է.

Կապույտ գույնը օգնում է պայքարել հոգնածության դեմ՝ պարզել են ամերիկացի գիտնականները, որոնց հոդվածը հրապարակվել է Sleep գիտական ամսագրում: 

Գիտնականները նման եզրակացության են եկել՝ ուսումնասիրելով կարճ ալիքի լույսի ազդեցությունը մարդու կոգնիտիվ ունակությունների վրա: 

Մասնավորապես, նրանք մի քանի ամիս շարունակ 6.5 ժամ տևողությամբ 16 մասնակցի ենթարկել են կապույտ և կանաչ լույսի ազդեցության: 

Հետազոտողներին հաջողվելէ պարզել, որ կապույտ գույնի ազդեցությանը ենթարկված մարդիկ ավելի քիչ են ցանկացել քնել, իրենց ավելի առույգ են զգացել, իսկ նրանց ռեակցիան եղել է բավական արագ: 

Գիտնականները հուսով են, որ տվյալ օրինաչափությունը կօգնի գիշերային ժամերին աշխատող մարդկանց: