Չինացի դիզայների կենդանի քանդակները գրավում են աշխարհը (Photo, Video)
16:27 , 3 փետրվար, 2014
Լի Հունբոյի քանդակները դժվար թե առաջին հայացքից որևէ մեկին գրավիչ թվան, բայց դրանք այդքան էլ պարզ չեն, որքան թվում են: Քանդակագործն աշխատում է ոչ թե գիպսի, այլ սպիտակ թղթի հետ, որի շնորհիվ նրա «Pure White Paper» շարքի թղթե քանդակները կարող են հեշտությամբ ձգվել և ճկվել:
Իր ստեղծագործությունների գաղտնիքը հեղինակը չի հրապարակում, բայց եթե ուշադիր նայեք քանդակներին՝ կարելի տեսնել, որ նրանք բաղկացած են հազարավոր բարակ սպիտակ թղթերից, որոնք միացված են իրար: Լի Հունբոն հատուկ սոսինձ է օգտագործում, որը հիմնականում օգտագործում են չինական ազգային խաղալիքներ պատրաստելիս: Ի դեպ, հենց այդ խաղալիքներն էլ ոգեշնչել են քանդակագործին՝ ստեղծելու «Pure White Paper» արտ-նախագիծը:
Լի Հունբոն հասարակ և պարզ քանդակներ չի ստեղծում, նա շեշտ դրել է իրական չափսերի և գրեթե իրական քանդակներից ոչնչով չտարբերվող քանդակների վրա: Կարելի է անվերջ խաղալ այս հրաշալի ստեղծագործություններով:
