Ֆրանսիական հանրահայտ մակարունների բաղադրատոմսը շեֆ-խոհարարի կողմից

Ֆրանսիացի հանրահայտ շեֆ-հրուշակագործ Ֆրեդերիկ Գինոն ընթերցողներին է ներկայացրել ֆրանսիական մակարուններ պատրաստելու բաղադրատոսմը:  

Մակարունները պատմականորեն պատրաստվել են Իտալիայում, որտեղից և դեռևս XVI դարում ներմուծվել են Ֆրանսիա: Այդ ժամանակներից ի վեր, այն համարվում է ավանդական ֆրանսիական աղանդեր, որը ներկա դրությամբ ունի ավելի քան 100 տարատեսակ (կարելի է պատրաստել ոչ միայն քաղցր, այլև աղի մակարուններ):

Ժամանակ 

50 րոպե

Խոհանոց

ֆրանսիական

Չափաբաժին

Մոտ 50 մակարուն

Բաղադրություն.

 Նուշի ալյուր - 250 գ

Շաքարավազի փոշի - 250 գ

Շաքարավազ -  250 գ

Դեղնուց - 5-6 հատ

Ջուր - 80-100 մլ (1 բաժակ) 

Սերուցք - 250 գ 

Դառը շոկոլադ - 125 գ 

Կաթնային շոկոլադ - 125 գ 

Պատրաստման եղանակ 

Մակարունների համար բեզե պատրաստեք: Կաթսայի մեջ 250 գ շաքարավազ լցրեք, ավելացրեք մեկ բաժակ ջուր և եռացրեք խառնուրդը: Շաքարաջուրը պատրաստ կլինի այն ժամանակ, երբ ջուրը գոլորշիանա և շաքարավազը դեղին գույն ստանա:

Շաքարաջրի պատրաստ լինելը կարելի է ստուգել ձողիկով: Տեղադրեք այն կաթսայի մեջ և մյուս կողմից փչեք: Եթե փչելուց հետո փուչիկ ստացվի, ապա պատրաստ է:

Որևիցե տարայի մեջ չորս դեղնուց հարեք, մինչև նոր թանձր փրփուր առաջանա: Ապա ավելացրեք շաքարաջուրը և այդ խառնուրդը հարեք այնքան ժամանակ, մինչև որ բեզեն ամբողջովին պնդանա:

Խառնեք նուշի և շաքարավազի փոշին՝ մնացած դեղնուցների հետ: Ստացված խառնուդի մեջ ավելացրեք արդեն պատրաստի բեզեն և շատ լավ խառնեք:

Սա մակարունների պատրաստման ամենապատասխանատու պահն է: Ավելի լավ է ձեռքով խառնեք, որպեսզի չխախտվի բեզեի բաղադրությունը: Այն մի փոքր կկորցնի իր պնդությունը, եթե դա տեղի չունենա, ապա ճիշտ մակարուններ չեն ստացվի:

Ստացված խառնուրդը տեղադրեք հրուշակահան պարկի մեջ: Տապակը ծածկեք յուղաթղթով և հրուշակահան պարկի միջոցով շրջանակներ արեք նրա վրա: Վերջացնելուց հետո թողեք այսպես 30-40 րոպե, որպեսզի շրջանակները մի փոքր չորանան և կեղևապատվեն (դա ևս մեկ այլ շատ կարևոր հանգամանք է, առանց որի ճիշտ մակարուններ չեն ստացվի):

Պատրաստեք լցոնը՝ պրալինեն: Եռացրեք սերուցքը, սկզբում ավելացրեք դառը շոկոլադը, այնուհետև կաթնայինը (նախօրոք մանրացրեք շոկոլադը): Խառնեք և եփեք միջին կրակի վրա, մինչև որ միատարր զանգված ստացվի: Թողեք 15-30 րոպե, այդ ժամանակահատվածում պրալինեն կթանձրանա և վերջնականորեն պատրաստ կլինի:

Մակարունների հիմքը պատրաստեք ջեռոցում՝ 160 ջերմաստիճանի տակ (շատ կարևոր է ճիշտ պահպանել հենց այս ջերմաստիճանը)՝ մոտավորապես 8 րոպե:  

Աղանդերի՝ արդեն պատրաստի շրջանակների վրա զգուշորեն տեղադրեք ջեռոցից հանած պրալինեն և վրայից դրեք ևս մեկ պատրաստի շրջանակ, այնուհետև հակադիր կողմերով շրջեք երկու մասերը:

Ստացված մակարունները կարելի է միանգամից ճաշակել, բայց խորհուրդ է տրվում թողնել որոշ ժամանակ (մի քանի ժամով կամ մեկ գիշեր) սառնարանում: