Թբիլիսիում Boeing 737-ը մերկասառույցի պատճառով շեղվել է թռիչքուղուց

1in.am-ը գրում է.

Թուրքական Pegasus ավիաընկերությանը պատկանող Boeing 737 ինքնաթիռը մերկասառույցի պատճառով շեղվել է Թբիլիսիի օդանավակայանի թռիչքուղուց: Այս մասին հաղորդում է Interfax-ը:

Ինքնաթիռը պետք է թռչեր Ստամբուլ:

Նշվում է, որ վթարային-փրկարար ծառայությունն օդանավը նախկին դիրքին է վերադարձրել: Ուղևորներին տեղափոխել են տարանցիկ գոտի: Ըստ նախնական տվյալների` միջադեպի հետևանքով ոչ ոք չի տուժել: