Մարդու մարմնի 10 ոչ պետքական մասերը

1. Տղամարդկանց պտուկները

Գիտնականները մինչ օրս վիճում են, թե տղամարդու ինչի՞ն են պետք պտուկները, սակայն կա մի վարկած, համաձայն որի, պտղի զարգացման սկզբնական փուլում արական ու իգական էմբրիոններն իրարից չեն տարբերվում: Սեռային տարբերակումը սկսում է ի հայտ գալ պտղի զարգացման 3-4-րդ շաբաթում: Կաթնագեղձերի հյուսվածքներն ու պտուկները ձևավորվում են առաջին ամսվանից հետո` ավելի վաղ, քան սեռական տարբերակման առաջին նշանները: Հղիության 7-րդ շաբաթում պտղի մոտ նոր սկսում են ձևավորվել սեռական օրգանները: Բացի դրանից, այդ ժամկետում արական սեռի պտուղների մոտ դադարում են զարգանալ կաթնագեղձերը, բայց պտուկները պահպանվում են: Սա բնության սխալ չէ, պարզապես այս կերպ ավելի հեշտ է, որովհետև եթե պտուկները հենց սկզբից իրարից տարբերվեին, ապա դա կպահանջեր ռեպրոդուկտիվ համակարգի էլ ավելի բարդացում:

2. Կույրաղիք

Կույրաղիքը ոչ մի ֆունկցիա չկատարող մաշկային գոյացություն է, որի միջին երկարությունը կազմում է 10 սանտիմետր: Այն գտնվում է բարակ ու հաստ աղիքների միացման կետի մոտ: Էվոլյուցիոնիստները պնդում են, որ կույրաղիքը մարսողական համակարգի մաս է, որը գոյություն է ունեցել մարդու զարգացման վաղ շրջաններում: Նման մարսողական համակարգի անհրաժեշտություն եղել է այն ժամանակներում, երբ մարդկության կերակրացանկի հիմնական բաղադրիչը կազմել են բուսական ծագում ունեցող ուտեստները, և մեր աղիքները չունեին այն ֆունկցիաները, որոնք ունեն հիմա: Այնուամենայնիվ, ժամանակակից հետազոտությունները ցույց են տալիս, որ կույրաղիքն ունի ինչ-ինչ կողմնակի ֆունկցիաներ, որոնք օգնում են հաստ աղիքի աշխատանքին:

4. Դիմային խոռոչներ

Մարդիկ ունեն 4 զույգ դիմային խոռոչ, որոնք գտնվում են դեմքի ու գլխի ոսկորների վրա: Օդով լցված այս տարածքները ծածկված են լորձաթաղանթով: Լորձաթաղանթը լորձ է արտադրում, որը թույլ չի տալիս, որպեսզի փոշին և միկրոբները ներթափանցեն թոքերի մեջ, երբ մենք շնչում ենք: Բժիշկները քիչ բան գիտեն դիմային խոռոչների մասին, բայց ոմանք համարում են, որ դրանք նախատեսված են գլխի չափազանց ծանր քաշից խուսափելու համար: Այս խոռոչներով է նաև պայմանավորված մարդու ձայնի բարձրությունն ու տոնայնությունը:

 
3. Մարմնի մազեր

Երեք միլիոն տարի առաջ մարդու մարմնի վրա ավելի շատ մազ կար: Այդ ժամանակ երկրի մակերևույթի վրա ջերմաստիճանը շատ ավելի ցածր էր, քան այսօր, այնպես որ, մեր մարմինը ծածկված էր մազերով, որպեսզի այն պաշտպանվի կլիմայական ցուրտ պայմաններից: Հետո ի հայտ եկավ ուղիղ քայլող մարդը, և քրտնելու նրա հատկությունը բերեց նրան, որ մարդիկ աստիճանաբար կորցրեցին իրենց մարմնի վրայի մազերը: Այսօր մարմնական մազերի առկայությունը այնքան է նյարդայնացնում մարդկանց, որ շատերը դիմում են մաշկաբանի օգնությանը: Շնորհիվ այսօր լայն տարածում վայելող մազահեռացնող միջոցների, մարմնի մազերից ձերբազատվելը շատ հեշտացել է: Հարց է առաջանում. արդյո՞ք մարդուն պետք են մարմնի վրայի մազերը:

5. Նշիկներ

Նշիկները, ըստ էության, լիմֆոիդային հյուսվածքների գոյացություններ են, որոնք օգնում են երեխաներին պաշտպանվել հիվանդություններից: Դրանք գտնվում են վերևի ծնոտի ամենավերջում: Մարդկանց մեծամասնության մոտ 3 տարեկանից հետո այդ օրգանները չեն էլ օգտագործվում, իսկ հինգ տարեկանում դրանց չափսերը սկսում են փոքրանալ այնքան ժամանակ, մինչև դեռահասության տարիքում դրանք գրեթե չեն անհայտանում: Դրանք, ինչպես նշվեց, խոչընդոտում են վարակների ներթափանցմանը մանկական օրգանիզմ, բայց աստիճանաբար կորցնում են իրենց նշանակությունը` երեխայի իմունային համակարգի ուժեղացման հետ զուգահեռ: Բացի դրանից, այս օրգանները հակված են այտուցվելու ու ինֆեկցիաներ կլանելու:

6. Գլաններ

Գլանները ևս օրգանիզմը արտաքին ինֆեկցիոն տարրերից պաշտպանող օրգաններ են և տեղակայված են կոկորդում: Գլանները շատ կարևոր դեր ունեն, և հետազոտությունները ցույց են տվել, որ դրանք պայքարում են կոնկրետ հիվանդությունների և ախտածին մանրէների դեմ: Ցավոք, գլանները հաճախ անպիտան վիճակում են լինում և սկսում են օգուտի փոխարեն վնաս տալ, քանզի ևս հակված են այտուցվելուն և ախտահարվելուն:

7. Պոչուկ

Պոչուկը մեր ողնաշարի ամենավերջին կտորն է: Այն բաղկացած է երեքից հինգ՝ առանձին կամ իրար կպած սկավառակներից, որոնք միացած են հոդերով ու կապերով: Մարդկանց և մի շարք այլ անպոչ պրիմատների մոտ պոչուկը` պոչի հետաճուկային մնացորդներից է, սակայն չի կարելի ասել, որ այն ամբողջովին անօգուտ է: Այն նստած մարդու հենարանն է, բացի դրանից, դրան են կպած կոնքային մի շարք մկաններ:

8. Ուղղող ֆոլիկուլյար մկաններ

Սրանք միկրոսկոպիկ մկանային հյուսվածքներ են, որոնց շնորհիվ մեր մազերը բիզ-բիզ են կանգնում: Այս ֆունկցիան օգտակար էր այն ժամանակներում, երբ բիզ-բիզ արած մազերով կարելի էր ավելի մեծ ու սարսափելի տեսք ունենալ` վախեցնելով հակառակորդներին ու քեզ ուտել ցանկացող գիշատիչներին: Այս մկաններով օժտված են գրեթե բոլոր կաթնասունները, իսկ կենդանիների մոտ դրանք մինչ օրս էլ կարևորագույն գործառույթ են կատարում` թույլ տալով բացի վերոնշյալ պաշտպանողական ֆունկցիայից նաև ջերմաիզոլյացիոոն ֆունկցիա կատարել ցուրտ եղանակային պայմաններում, իսկ օրինակ ոզնիների մոտ այդ մկանները կարևորագույն ֆունկցիա են կատարում` ցցելով փշերը վտանգի դեպքում:

9. Իմաստության ատամներ

Երրորդ սեղանատամները, որոնք հայտնի են նաև որպես իմաստության ատամներ, վերջին ատամներն են, որոնք աճում են բերանում: Որպես կանոն, դա տեղի է ունենում 17-25 տարեկաններում: Դեռ հին ժամանակներում, երբ մարդիկ ուտում էին չոր ուտելիք և չէին հոգում ատամների առողջության մասին, առաջ էր գալիս ատամների մաշվածության խնդիր: Դրա համար էլ իմաստության ատամները խիստ անհրաժեշտ էին ու օգտակար: Ներկայումս, երբ ժամանակակից խոհանոցը շատ ավելի փափուկ է դարձել, իսկ ատամների խնամքի միջոցները իրենց բարձունքում են, իմաստության ատամներ ունենալու անհրաժեշտություն չկա, և դրանք դարձել են հետաճուկային հավելում մեր բերանի խոռոչում:

10. Կիսալուսնային ծալք

Այո, մենք ունենք երրորդ կոպ և այն կոչվում է կիսալուսնաձև ծալք, որը աչքի կոնյուկտիվի ոչ մեծ ծալք, որը գտնվում է աչքի ներքին անկյունում: Այն, ըստ էության, աչքի օգնական օրգան և այսպես կոչված թարթող մեմբրանի թերաճած մնացորդ: Կաթնասունների մեծամասնության մոտ այն օրգան է, իսկ ապրող կենդանատեսակների մոտ այն հանդիպում է հավի ճտերի, կատուների, մողեսների ու շնաձկների մոտ: Մարդկանց մոտ այն կարևոր գործառույթ է կատարում. այն հատուկ լորձ է արտադրում, որը հավաքում է օտարածին մարմինները (փոշին ու մանրէները) և հեռացնում է դրանք աչքի խնձորի մակերևույթից: