Էրդողանը ժամանել է Թեհրան

1in.am-ը գրում է.

Թուրքիայի վարչապետ Ռեջեփ Թայիփ Էրդողանի գլխավորած պատվիրակությունը ժամանել է Իրան՝ հայտնում է IRNA գործակալությունը:

Արաբական և աֆրիկյան հարցերով Իրանի փոխարտգործնախարար Հուսեյն Ամիր Աբդուլահիանը ողջունել է Էրդողանին Թեհրանի «Մեհրաբադ» օդանավակայանում:

Այսօր ծրագրված է Էրդողանի հանդիպումն Իրանի նախագահ Հասան Ռուհանիի հետ:

Երկկողմ առևտրային կապերի ակտիվացումը դիտարկվում է որպես Էրդողանի երկօրյա պաշտոնական այցի գլխավոր առաջնահերթություն:

Երկու երկրների միջև առևտրի ծավալը 2013-ին կազմել է 13.5 մլրդ դոկար: 

Մինչ թռիչքը կայացած մամլո ասուլիսի ժամանակ Էրդողանը հայտնել էր կողմերի միջև Համագործակցության բարձրագույն խորհուրդ ստեղծելու ծրագրերի մասին: