Ֆիլ Քոլինզը կաշխատի Ադելի հետ

1in.am-ը գրում է.

Ֆիլ Քոլինզը հայտարարել է Ադելի հետ համագործակցության մասին: Այն մասին, որ երգչուհին առաջարկել է նրան ստեղծել համատեղ կոմպոզիցիաներ, հայտնում է The Rolling Stone-ը՝ հղում կատարելով Genesis-ի նախկին անդամին: 

Քոլինզի խոսքով՝ «ինքն ապրում է քարայրում», այդ իսկ պատճառով ոչինչ չի լսել Ադելի մասին մինչ այն պահը, երբ նա կապվել է իր հետ ու առաջարկել միասին աշխատել: 

Նա, սակայն, նշել է, որ իրեն շատ է դուր գալիս Ադելի ձայնը ու նրա որոշ աշխատանքներ: Երգիչը համագործակցության այլ մանրամասներ չի հայտնել:

Այսպես, դեռ անորոշ է, թե երբ Ադելն ու Քոլինզը կներկայացնեն համատեղ կոմպոզիցիաները, ու թե որ ալբոմում դրանք տեղ կգտնեն: