Իսրայելը հարվածել է սիրիական ռազմաբազային. ԶԼՄ-ներ

1in.am-ը գրում է.

Իսրայելի ռազմաօդային ուժերը հարձակվել են ռազմաբազայի վրա, որը տեղակայված է Սիրիայի Լաթաքիա նավահանգիստ-քաղաքում: Այս մասին հաղորդում է իսրայելական Haartez թերթը՝ վկայակոչելով լիբանանյան ԶԼՄ-ները:

Հաղորդվում է, որ տեղեկատվությունը պաշտոնապես դեռևս չի հաստատվել:

Նախկինում բազմիցս հաղորդվել է, որ իսրայելական ավիացիան պարբերաբար հարվածներ է հասցնում Լաթաքիային:

Ավելի վաղ հաղորդվել էր, որ Լաթաքիայում տեղակայված սիրիական խոշորագույն ռազմաօդային բազան ոչնչացվել է Միջերկրական ծովի կողմից արձակված հրթիռային հարձակման հետևանքով: