Ինչ-որ մեկը շատ է ուզում խաղացնել հայկական քարտը Ուկրաինայում

Երեկ որոշ տեղեր նկատեցի հերթական ապատեղեկատվություն: Այս անգամ, իբր թե, Ուկրաինայի հայ համայնքի հավաքած միջոցներով գտել և սպանել են Սերգեյ Նիգոյանին սպանողներին (նշում են, որ Բերկուտի ջոկատից է սպանողը):
Սուտ: Բացարձակ:

Նպատա՞կը

Ինչ-որ մեկը շատ է ուզում խաղացնել հայկական քարտը Ուկրաինայում: Երկու ուղղությամբ:

ա. Կիևի հայ համայնքի ղեկավարությունը բավականին լավ հարաբերություններ ունի ներկայիս ղեկավարության հետ, ինչի պատճառով նույն ադրբեջանցիներին Ուկրաինայում հայերը բավականին ճնշած էին պահում վերջին մի քանի տարիների ընթացքում, և մի քանի խոշոր գործարքներ Ուկրաինայի ու Ադրբեջանի մեջ ուղղակի խափանվել են: Հայերը բավականին կշիռ ունեն նաև Ուկրաինայի արևմտյան մասում, որտեղ հիմնականում ընդդիմադիրներ են, սակայն դա որևէ կերպ չէր անդրադառնում հայերին:

բ. Քանի որ, Ռուսաստանի հասարակության մեծ մասը և ղեկավարությունը և մեդիադաշտը դեմ են մայդանիստներին, փորձ է կատարվում հերթական անգամ հայերի նկատմամբ արթնացնել ատելություն: 

Ո՞ւմ է ձեռնտու: 

Հետևությունները թողնում եմ ընթերցողին, սակայն մի բան պետք է հիշել, հայերը արդեն առաջին զոհն տվել են այս ներուկրաինական պատերազմում: Ու Աստված տա, վերջինը: