Վրաստանի վարչապետը վաղը պաշտոնական այց կկատարի Իսրայել
18:09 , 25 հունվար, 2014
1in.am-ը գրում է.
Վրաստանի վարչապետ Իրակլի Ղարիբաշվիլին վաղը Շվեյցարիայից պաշտոնական այցով կուղևորվի Իսրայել, նշված է Վրաստանի վարչապետի մամլո հաղորդագրությունում:
Ղարիբաշվիլին կհանդիպի Իսրայելի նախագահ Շիմոն Պերեսի, երկրի վարչապետ Բենիամին Նեթանյահուի, խորհրդարանի նախագահ Յուլյա Էդելշտեյնի և Իսրայելի այլ պաշտոնատար անձանց հետ:
Այցի շրջանակում տեղի կունենա վրացա-իսրայելական միջկառավարական տնտեսական հանձնաժողովի նիստ:
Վրաստանն ու Իսրայելը համաձայնագիր կկնքեն ազատ առևտրի վերաբերյալ, ինչը, ըստ Վրաստանի վարչապետի, «առաջընթաց է երկու երկրների հարաբերություններում»: