Քվեբեկում որոնում են ծերանոցի անհետ կորած 30 բնակիչներին
15:47 , 25 հունվար, 2014
1in.am-ը գրում է.
Քվեբեկում շարունակում են որոնել ծերանոցի անհետ կորած 30 բնակիչներին՝ հայտնում է BBC-ն:
Որոնողական օպերացիան անցկացվում է սառնամանիքի պայմաններում:
Ունեցած տեղեկությունների համաձայն՝ Իլ-Վերտ քաղաքի ծերանոցում հունվարի 23-ին տեղի ունեցած հրդեհի հետևանքով զոհվել էր 8 մարդ:
Այրված շինությունը քանդվել էր ու ծածկվել սառույցի հաստ շերտով:
Նշվում է, որ անհետ կորած մարդկանց հիմնական մասը կարող էր տեղաշարժվել միայն հաշմանդամի սայլակով: