ԱՄՆ դաշնային կայքերը ենթարկվել են ցանցահենների հարձակման

1in.am-ը գրում է.

Հունվարի 24-ին ցանցահենները հարձակվել են ԱՄՆ դաշնային դատարանների կայքերի և էլեկտրոնային դատական փաստաթղթերի հանրային հասանելիության, հայցերի էլեկտրոնային ներկայացման համակարգերի վրա`հաղորդում է Reuters-ը:

Կիբերհարձակման պատճառով կայքերը որոշ ժամանակ անհասանելի են եղել օգտատերերի համար, խախտվել է հայցերի ներկայացման և դատական փաստաթղթերի հրապարակման գործընթացը:

ԱՄՆ դատարանների վարչակազմի ներկայացուցիչները հայտարարել են, որ սկսվել է պատահարի պատճառների հետաքննություն:

Կիբերհարձակման պատասխանատվությունը դեռևս ոչ մեկը չի ստանձնել: