Կահիրեում որոտացել է հերթական պայթյունը

1in.am-ը գրում է.

Եգիպտոսի մայրաքաղաք Կահիրեում հերթական պայթյունն է որոտացել: Այս անգամ պայթյունը տեղի է ունեցել ոստիկանական ակադեմիայի մոտ, վիրավորվել է մեկ մարդ: Այս մասին հաղորդում է Reuters գործակալությունը` վկայակոչելով երկրի անվտանգության ծառայության իր աղբյուրին:

Պայթյունի մասին այլ տեղեկատվություն առայժմ հայտնի չէ:

Հիշեցնենք, որ ուրբաթ օրը Կահիրեում որոտացել է չորս պայթյուն, որի հետևանքով զոհվել է 6 մարդ, կան տասնյակ վիրավորներ: Ահաբեկչությունները հիմնականում ուղղված են եղել ոստիկանության աշխատակիցների դեմ:

Նշենք, որ այսօր Եգիպտոսում տոնում են հունվարի 25-ի հեղափոխության երրորդ տարելիցը: