Ռոբերտ Դե Նիրոն փաստագրական ֆիլմ է նկարահանել միասեռական հոր մասին

1in.am-ը գրում է.

Դերասան Ռոբերտ Դե Նիրոն Սանդենսի կինոփառատոնում ներկայացրել է «Նկարչի դաստիարակությունը» փաստագրական ֆիլմը, որը նվիրված է իր հորը: Վերջինս լքել է ընտանիքը այն բանից հետո, երբ գիտակցել է, որ համասեռամոլ է: 

Ֆիլմի սցենարը դերասանը գրել է այն ժամանակ, երբ կարդացել է հոր՝ նկարիչ էքսպրեսիոնիստ Ռոբերտ Դե Նիրո-ավագի օրագիրը: Դերասանի հայրը՝ երկրորդ սերնդի իտալացի ներգաղթյալը, 40-50-ական թթ. աշխատել է աբստրակտ գեղանկարչության ոլորտում:

Նա հայտնի է եղել գեղանկարչության շրջանակներում, սակայն ավելի քիչ է սկսել ցուցադրվել 1960-ական թթ, երբ նորաձև է դարձել փոփ-արթը: Այդ ժամանակ նա մեկնել է Ֆրանսիա, որտեղ ապրել է մի քանի տարի: Հետագայում նրան ֆինանսապես սկսել է աջակցել որդին: Դե Նիրո-ավագը մահացել է 1993-ին: 

The Huffington Post-ին Դե Նիրոն պատմել է, որ ֆիլմը նկարահանել է ի հիշատակ հոր և օգտագործել է նրան վերաբերող բոլոր առկա տեսանյութերը: Այդ ֆիլմով դերասանն ու ռեժիսորը ցանկացել է իր 6 երեխաներին ծանոթացնել պապի ստեղծագործություններին ու կյանքին: