Լոնդոնում խափանվել է մետրոյի ամենածանրաբեռնված գծերից մեկի աշխատանքը

1in.am-ը գրում է.

Ամբողջությամբ խափանվել է Լոնդոնի մետրոպոլիտենի ամենածանրաբեռնված ճյուղերից մեկի՝ Victoria-ի աշխատանքը: 

Քաղաքի տասնյակ բնակիչներ ու հյուրեր ստիպված են որոնել շրջանցող երթուղիներ՝ գրում է ITAR-TASS-ը: 

Ինչպես նշվում է, խափանման պատճառն այն է, որ կապալառուները պատահաբար ցեմենտ են լցրել գծի ազդանշանային կառավարման սարքի վրա: 

Դրա հետևանքով մետրոյի այդ հատվածը աշխատում է մեծ ընդհատումներով, իսկ որոշ կայարանների միջև հաղորդակցությունն ընդհանրապես բացակայում է: 

Խնդիրն այն է, որ գծի հարավային մասում չեն աշխատում լուսացույցները, առանց որոնց անհնար է երթևեկությունն իրականացնել: 

Ներկայում կատարվում են վերականգնողական աշխատանքներ: