Ավոկադոն փրկում է սովից

1in.am-ը գրում է.

Այն մարդիկ, ովքեր ճաշի ընթացքում ավոկադո են ուտում, օրվա երկրորդ կեսին ավելի քիչ են ուտելու ցանկություն ունենում, քանի որ այդ միրգը մեծացնում է հագեցված լինելու զգացողությունը: Այդ մասին հաղորդում են «Լոմա Լինդա» համալսարանի հետազոտողները: 

Նրանք հայտնաբերել են, որ այն մարդիկ, ովքեր թարմ ավոկադոյի կես բաժին են ավելացնում իրենց ճաշին, 40 %-ով ուտելու ավելի քիչ ցանկություն են ունենում հաջորդ երեք ժամերի ընթացքում: Սննդակարգում ավոկադոյի կիրառումը նվազեցնում է քաղցածության զգացողությունը՝ կալորիաների ու ճարպի շնորհիվ, բայց դրա հետ մեկտեղ չի բերում արյան մեջ շաքարի մակարդակի բարձրացմանը: Թարմ ավոկադոյի կեսը պարունակում է մոտ 150 կալորիա: